Meta компаниясына тиесілі WhatsApp мессенджерін жасаушылар белгісіз контактілерден келген хаттарды автоматты түрде блоктайтын жаңа функцияны дайындап шығарды, деп хабарлайды Ulysmedia.kz.
КІМДЕРГЕ ҚОЛЖЕТІМДІ
Wabetainfo басылымының мәліметі бойынша, бұл опция 2.24.20.16 құрастыру нөмірі бар Android қолданбасының бета нұсқасын пайдаланушылар үшін қолжетімді.
МАҚСАТЫ НЕ?
Бұл мүмкіндікті енгізудің негізгі мақсаты – қажетсіз ақпараттық бюллетень мен спаммен күресу. Жаңа опцияны пайдалану үшін бета қолданушылары "Параметрлер" бөліміне өтіп, "құпиялылық" тармағын таңдап, "кеңейтілген" мәзіріне өтіп, "белгісіз есептік жазбалардан хабарламаларды бұғаттау" тармағын іске қосуы керек.
Жүйе мекен-жай кітабына қосылмаған контактілерден пайдалы хабарламалар алуға мүмкіндік бере отырып, белгіленген шектен асатын хабарламаларды автоматты түрде блоктайды. WABetaInfo сарапшыларының пікірінше, инновация спам-хабарламалардың санын едәуір азайтуы мүмкін, дегенмен ол жарнамалық ұсыныстарға және "жақсы" ұсыныстармен жіберілімдерге әсер етпейді деп сендірді.
АЛАЯҚТАР ТУРАЛЫ
Айта кетейік бұған дейін Павлодарлық алаяқтың қазақстандықтардан WhatsApp арқылы 90 млн теңге жинағаны белгілі болған еді.
