Мәжіліс депутаты Асхат Аймағамбетов жедел жәрдем 60 пайызға жуығы тозып тұрғанын айтты. Жауапты министрлік өкілінің жағдай шынында қиын екендігін мойындаудан басқа амалы қалмағандай, деп хабарлайды Ulysmedia.kz.
АЙМАҒАМБЕТОВ НЕ ДЕДІ?
Депутаттың сөзінше жедел жәрдем бригадасының тапшылығы өте жоғары.
«Жағдай өте күрделі. Нормативтерге сәйкес, 10 мың халыққа бір жедел жәрдем бригадасы қажет. Алайда, еліміз бойынша қосымша 379 бригада керек. Санитарлық көліктің тозуы 58%-ды құрайды. Бізге осындай ақпарат келді. Осындай жағдайда бұл қызметтің қалай жұмыс істеп тұрғаны сұрақ тудырады. Тарифтер өте төмен – 300 теңгеден сәл ғана асады. Бұл қаражат шығындарды жабуға жеткіліксіз. Жалақылар төмен, көліктер ескірген», – деді ол.
ЖАҢА КӨЛІКТЕР ДЕ ЖАРАП ТҰРҒАН ЖОҚ
Жаңартылған техникамен де мәселелер бар екенін атап өтті.
«Дизельді отынмен жүретін көліктер сатып алынды. Бірақ, солтүстік өңірлерде олар мүлдем қолайсыз – оларды аяз кезінде сөндірмей ұстауға тырысады. Әйтпесе, олар мүлдем оталмай қалады», – деді депутат.
МИНИСТРЛІК ӨКІЛІ НЕ ДЕЙДІ?
Денсаулық сақтау вице-министрі Ержан Нұрлыбаевтың айтуынша, жедел жәрдем бригадаларына түсетін жүктеме артып келеді. Орташа алғанда, бір бригада күніне 12 шақырту қабылдайды. Қызылорда облысында бір бригадаға 16 шақырту, Атырау облысында – 19, Астанада – 23 шақырту түседі.
«Жыл басынан бері республика бойынша шақыртулар саны 3%-ға өсіп, 6,4 миллионға жетті. Сондай-ақ, кешігіп келген шақыртулар саны 1%-ға артып, шамамен 290 мыңға жетті. Жедел жәрдем қызметінің балансындағы санитарлық автокөліктердің 81%-ы ғана жұмыс істеп тұр. Астанада тек 41% көлік ғана жұмыс істеп тұрған өте күрделі жағдай байқалады», – деді ол.
ЖАҢАРТУҒА ҚАНША ҚАРАЖАТ ҚАЖЕТ
Вице-министрдің айтуынша, қызметті жаңартуға алдағы бес жылда 89 миллиард теңге қажет.
БҰҒАН ДЕЙІН
Қазақстанда жедел медициналық жәрдем көрсету ережелеріне айтарлықтай өзгеріс енгізілгелі жатырғанын жаздық. Оған сәйкес барлық бригада барлық науқастарға тәулік бойы бара бермейтін болған.
