Бизнес-консультант Қайсар Мақан әлеуметтік желіде "Қазақтелеком" кеңсесінен шыққан аяқталмаған өтінішті жариялады, деп хабарлайды Ulysmedia.kz.
“ҚАЗАҚТЕЛЕКОМҒА” АРЫЗ
Қайсар Макан өз жазбасында бейтаныс азаматтың арызын байқап қалғанын жазады.
"Бүгін Қазақтелекомда болдым. Өз кезегімді шамамен 30 минут күттім. Менің алдымда 2 адам болды. 5 қызмет көрсету орнының тек 2-еуі ғана жұмыс істеп тұрды, кейінірек тағы бір менеджер қосылды. Шыдамдылықпен күттім, себебі түскі уақыт еді, мүмкін кейбір менеджерлер түскі үзіліске шыққан болар. Кезегімді күтіп отырғанымда, осындай аяқталмаған өтінішке тап болдым. Бұл біреудің жанайқайы сияқты… Неге бұл өтініш аяқталмай қалған екен? Қандай болжамдар бар?" — деп сұрақ қойды ол.
Өтініште азамат провайдердің қызметтеріне шағымданған.
Facebook/Кайсар Макан
БҰҒАН ДЕЙІН
Мәжіліс депутаты Мұрат Әбенов “Қазақтелекомға” өз қызметтерін өшіруді ұсынған еді.
Цифрлық даму, инновациялар және аэроғарыш министрі қызметінен кеткен Бағдат Мусин Қазақтелеком компаниясының басшысы болып тағайындалған еді.
