Ақтауда жылу желілеріндегі жаппай апаттарды жөндеуге 25 бригаданың 150 адамы жұмылдырылды. Осы уақытта кейбір тұрғындар жылусыз қалып отыр, деп хабарлайды Ulysmedia.kz.
АҚТАУДАҒЫ АПАТ
Ақтауда жылу желілерінде жаппай апат болды. Қала бойынша барлығы 27 жерден құбырлар жарылған. Тұрғындар наразы, өйткені жөндеу жұмыстары жүргізіліп жатқан кезде олар тоңып отыр. Кейбір тұрғындар апат салдарынан болған қараусыз қалған күндерді коммуналдық төлемдерден алып тастауды талап етіп отыр.
ӘКІМДІК НЕ ДЕЙДІ
Әкімдік мәліметтері бойынша, апаттарды жоюмен 150 коммуналдық сала маманы айналысуда: қала әкімдігінің 6 жұмыс тобы, «Каспий жылу, су арнасы» кәсіпорнының 11 бригадасы және арнайы Жаңаөзеннен келген 8 бригада.
Жалпы алғанда, жөндеу жұмыстарына 49 техника бірлігі тартылған.
БҰҒАН ДЕЙІН
Ақтау тұрғындары әлі де жылу мен ыстық суға жарымай отырғанын кеше де жазған едік.
ЖОЛДЫ ЖАУЫП ТАСТАҒАН
Бұған дейін әлеуметтік желілерде Ақтау қаласындағы көшеде айғай-шу болған бейнежазба тарады. Белгілі болғандай, бір үйдің тұрғындары пәтерлеріндегі жылудың жоқтығына наразылық ретінде жолды жауып тастаған. Олар қала әкімімен кездесуді талап етіп, мәселелерін тыңдауды сұраған.
