Полицейлер қазақстандықтарға eGov.kz электронды үкімет порталы мен 1414 қызметін пайдаланатын алаяқтар туралы ескертті, деп хабарлайды Ulysmedia.kz.
Абай облыстық Полиция департаменті мәліметінше, алаяқтық жағдайлары жиілеп кеткен, онда қаскүнемдер мемлекеттік орган қызметкерлері ретінде танысып, жеке деректерді сұратады немесе жоқ айыппұлдарды төлеуді талап етеді.
Сақ болыңыз! Мемлекеттік органдар қоңыраулар немесе хабарламалар арқылы ақпарат сұрамайды. Егер күдікті хабарлама алсаңыз, сілтемелерге өтпеңіз және деректерді бермеңіз, – дейді ведомство өкілдері.
Тексеру үшін полиция eGov.kz сайтына немесе 1414 байланыс орталығына хабарласуды ұсынады.
Бұған дейін алаяқтардың журналистердің атын жамылып, құйтырқы әрекеттерін іске асырып жүргені туралы және журналистер одағы атынан да қоңырау шалатындар көбейгенін жазғанбыз.
