Қостанай облысы Рудный қаласында ер адам айуандықпен итті жарақаттаған. Оқиғаға куә болған жергілікті әйел жануарды қорғау үшін дереу полиция шақырған, деп хабарлайды Ulysmedia.kz.
ОҚИҒАНЫҢ МӘН-ЖАЙЫ
Полиция 41 жастағы күдіктіні ұстады. Аталған оқиға бойынша сотқа дейінгі тергеу амалдары басталып, мән-жайлар анықталып жатыр.
ПОЛИЦИЯ НЕ ДЕЙДІ
Жануарларға қатыгездікпен қарау қылмыстық жауапкершілікке алып келеді. Ол үшін 200 АЕК-ке дейін айыппұл (738 мың теңге), түзету немесе қоғамдық жұмыстар (200 сағатқа дейін) тағайындалуы мүмкін, ал кей жағдайларда 50 тәулікке дейін қамауға алу жазасы көзделген, - делінген хабарламада.
Еске салсақ, бұған дейін Қостанай облысының аудандық соты зираттардағы темір қоршауларды ұрлағаны үшін айыпталған екі адамға қатысты үкім шығарған болатын.
