Қызылорда қаласының тұсында Шымкенттен Ақтөбе қаласына бағыт алған DAF маркалы автокөлігі аударылып қалды, деп хабарлайды Ulysmedia.kz.
ОҚИҒАНЫҢ МӘН-ЖАЙЫ
Әлеуметтік желіде тағаған видеода жеңіл автокөліктер тиелген жүк көлігі көктайғақ салдарынан аударылып қалғаны көрсетілген.
ПОЛИЦИЯ МӘЛІМДЕМЕСІ
Оқиға, 5 желтоқсанда сағат 6:30 шамасында М-32 «Шымкент-Самара» тас жолының 1807 шақырымында тіркелді. Оқиға Қызылорда қаласына қарасты Ж. Маханбетов ауылы тұсында болды. Шымкенттен Ақтөбе қаласына бағыт алып бара жатқан «DAF» маркалы автокөлігінің басқару жүйесіне ие бола алмай аударылған. Автокөлікке материалдық шығын келген. Дене жарақатын алғандар жоқ, — деп мәлім етті Қызылорда облыстық Полиция департаменті.
Еске салсақ, бұған дейін Алматы облысы Жамбыл ауданында жол-көлік оқиғасы болып, салдарынан 2 адам жарақат алып, 1 адам қаза тапқан болатын.
