Ақтауда апатқа ұшыраған AZAL ұшағының ұшқышы Игорь Кшнякиннің қызы әлеуметтік желіде әкесіне арнап жан тебірентер жазба қалдырды, деп хабарлайды Ulysmedia.kz порталы minval.az сайтына сілтеме жасап.
– Әке, сен мен үшін батырсың. Сен әрқашан жүрегімде қаласың, сен өзіңді құрбан етіп, ондаған адамның аман алып қалу үшін қолдан келгеннің бәрін жасадың. Сен өте мықты едің, мен әрқашан әкемнің осындай болғанына мақтанып өтем. Сен өте көңілді адам едің, әрқашан біз үшін бәрін жасадың. Ең керемет әкесің! Жұмақ төрінде боласың деп үміттенемін, - делінген жазбада.
EURONEWS: ҰШАҚТЫ РЕСЕЙ ЗЫМЫРАНЫ АТЫП ТҮСІРГЕН
Euronews бұған дейін Ақтау маңында апатқа ұшыраған ұшақ ресейлік зымыраннан атылғанын мәлімдеген еді. Басылым Әзербайжан үкіметіндегі дереккөздерге сүйеніп, апат Грозный үстінде ресейлік зымыраннан атқаннан болған деп жазады сенімді түрде. Осындай нұсқаны әлемдік БАҚ-тар да жарыса жазып жатыр.
АҚТАУ МАҢЫНДАҒЫ АПАТ
25 желтоқсан күні Ақтау қаласының маңында Azerbaijan Airlines әуекомпаниясының Бакуден Грозныйға бағыт алған жолаушылар ұшағы апатқа ұшырап, 38 адам қаза тапты.
Бортта 5 экипаж мүшесін қоса алғанда 67 адам болған. Жолаушылардың 6-ауы Қазақстан, 42-сі Әзербайжан, 3-еуі Қырғызстан, 16-сы Ресей азаматы. 29 адам жарақат алып, ауруханаға жатқызылды, олардың арасында екі бала бар. Апаттан аман қалғандар арасында қазақстандықтар жоқ. Төтенше жағдайлар министрлігі Ақтау маңындағы ұшақ апаты кезінде қаза тапқан қазақстандықтардың тізімін жариялады. Ұшақ апатына байланысты қылмыстық іс ашылып, қайғылы оқиғаның себеп-салдарын тексеру үшін Үкіметтік комиссия құрылды.
