Маңғыстау облысының экология департаменті Каспий теңізінің жағалауы учаскелеріндегі судың неге қызыл реңге боялғанын түсіндіруге тырысты, деп хабарлайды Ulysmedia.kz.
Мамандар "қызыл су" сынамаларын жинап, зертханалық зерттеу жүргізген. Маңғыстау облысының экология департаментінің басшысы Қайсар Надирбектің айтуынша, Каспий теңізіндегі су балдырлардың кесірінен қызыл түске боялған.
Балдыр суға қою қоңыр, қызыл түс береді. Бізде қар жауып, құбылыс айқынырақ көрінді. Балдырлар таяз суда өседі, атап айтқанда біздің жағалауда. Олар жиналған жерде су қызыл реңге айналады.
Әрине, біз бұл табиғи құбылысты білсек те, судың күйін тексеруге міндеттіміз. Талдаулар қалыпты болды, - деді ол.
Еске сала кетейік, бұған дейін Ақтау тұрғындары Каспий теңізі жағалауында қызыл түске боялғанын байқаған болатын. Ерекше құбылыс әлеуметтік желілерде талқылауға түрткі болды, сондай-ақ Ақшұқыр ауылында да осы құбылыс байқалды.
