Астанада 12 мамырға дейін бірнеше көшеде қозғалыс шектеледі

СЕБЕП

Астана қаласының көлік және жол-көлік инфрақұрылымын дамыту басқармасы қала тұрғындары мен қонақтарын 3 қиылыстың жол төсемінің орташа жөндеу бойынша жұмыстардың жүргізуі туралы хабардар етеді. Осыған байланысты, кезең-кезеңмен қозғалыс толығымен жабылатын болады.

ҚАЙ КӨШЕЛЕР ЖАБЫЛАДЫ

• Абылай хан даңғылы/Манас көшесі 9 мамыр күні сағат 21:00-ден бастап 10 мамыр күні сағат 07:00-ге дейін;
• Абылай хан даңғылы/Б. Майлин көшесі 10 мамыр күні сағат 21:00-ден бастап 11 мамыр күні сағат 07:00-ге дейін;
• Абылай хан даңғылы/ І. Жансүгіров көшесі 11 мамыр күні сағат 21:00-ден бастап 12 мамыр күні сағат 07:00-ге дейін.

Жүргізушілер мен жаяу жүргіншілерден маршруттарды алдын ала жоспарлауды және қозғалысты ұйымдастырудағы ықтимал өзгерістерді ескеруді сұраймыз. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады.

- Осы өзгерістерге түсіністікпен қарауды және қала бойынша қозғалыстарды жоспарлау кезінде оларды алдын ала ескеруді сұраймыз, делінген хабарламада.