Мексиканың Тапачула қаласында жүздеген мигрант ереуілге шықты, деп хабарлайды ulysmedia.kz.
24kz-ның мәліметінше, наразылар АҚШ аумағына өту үшін биліктен рұқсат беруді талап етті.
Мигранттардың айтуынша, Мексикада олар зорлық-зомбылықтың құрбаны болады. Қазір 350 мың тұрғыны бар бұл қалада өзге елден келген босқындардың қарасы қалың. Көбі екі қолға бір күрек таба алмай әлек.
«Бұл елде қалғымыз келмейді. Біздің көздегеніміз АҚШ-қа жету еді. Бұны жасырмай ашық айта аламыз. Балаларымыздың болашағы үшін осындай қадамға барып отырмыз. Сондықтан бұл жерден қайтсек те кетеміз», - дейді мигрант Астрид Родригес.
