IBF және IBO тұжырымдары бойынша орта салмақтағы әлем чемпионы Геннадий Головкин (41-1-1, 36 КО) әртүрлі елдерде, соның ішінде Қазақстанда да жекпе-жек өткізуге ашық екенін айтты, деп хабарлайды ulysmedia.kz.
Sports.kz-ның мәліметінше, британдық Sky Sports басылымына берген сұхбатында Геннадий Ұлыбританиядағы жекпе-жегін есіне алды. Содан кейін 2016 жылы Лондонда GGG жергілікті бұрынғы әлем чемпионы Келл Брукты нокаутқа түсірді. Головкин егер лайықты ұсыныс түссе, Тұманды Альбионға қуана оралатынын атап өтті.
«Ұлыбританияға келгенім есімде. Маған бұл жекпе-жек өте ұнады, өте жақсы болды. Бұл қызықты жекпе-жек болды. Мен өзімді белгілі бір елмен шектемеймін. Барлығы көптеген факторларға байланысты. АҚШ-та немесе менің туған жерім – Қазақстанда жекпе-жек өткізуге ұсынылатын шарттар Ұлыбританияның ұсыныстарынан ешбір кем түспейтініне сенімдімін», - дейді боксшы.
