Ұлыбритания премьер-министрі Риши Сунак көліктен видео жариялады. Сол кезде оған қауіпсіздік белдігін тақпағаны үшін айыппұл салынды, деп хабарлайды Ulysmedia.kz.
Риши Сунактың баспасөз қызметі өкілдері әлеуметтік желілерде шенеуніктің Ланкашир округінің экономикасына инвестиция артқанын мәлімдеген видеосын жариялаған. Полиция ол жолаушылар орнында отырған кезде қауіпсіздік белдігін тақпағанына назар аударған.
Полиция мәлімдемесінде әлеуметтік желілерде Ланкаширде жүрген көлікте жолаушы ретінде отырған адам қауіпсіздік белдігін тақпағаны көрінетін видео тарап жатқаны айтылады. Ал бұл мәселе тексерілгеннен кейін лондондық 42 жастағы ер адамға айыппұл туралы хабарлама жіберілген. Алайда Риши Сунактың аты-жөні полиция мәлімдемесінде аталмаған.
