×
449.58
486.94
4.86
#қаңтар қақтығысы #сайлау #Украинадағы соғыс #Палестина #жемқорлық #тағайындау
449.58
486.94
4.86

Жылу ақысы: "Риддер ЖЭО" жаңа иесі министр Қуантыровтың сөзін жоққа шығарды

02.02.2023, 09:28
фото: ашық дереккөзден

"Риддер ЖЭО" АҚ жаңа иесі 5 жыл бойы жылу тарифін көтермеуге уәде берді, деп хабарлайды Ulysmedia.kz.

“Астана” телеарнасының мәліметінше, Құралбек Әбдірахманов "Риддер ЖЭО" акционерлік қоғамын 24 қаңтарда сатып алған. Ұлттық экономика министрі Әлібек Қуантыровтың наурыз айынан бастап жылу тарифтерін көтеру туралы мәлімдемесіне қарамастан, Әбдірахманов жергілікті тұрғындардың қалтасын қақпауға бекініп отыр.

Жылу тарифтерінің өсуі туралы жаңалық осы жылыту маусымын төтенше жағдай режимінде өткізіп жатқан риддерлерліктердің наразылығын тудырды. Қала тұрғындары тіпті петиция жазбақшы болған. Бірақ тарифтік мәселені у-шусыз шешімін тапты.

"Риддерде енді жылудан қиындық болмайды. Сонымен қатар, зауыт пайдалануға берілгеннен кейін алдағы бес жыл ішінде жылу тарифтерін көтермеу үшін әлеуметтік міндеттеме алғым келеді", - деді" Риддер ЖЭО" АҚ Басқарма төрағасы Құралбек Әбдірахманов.

Еске салсақ, бұдан бұрын ұлттық экономика министрі Әлібек Қуантыров наурыздан бастап Екібастұз бен Риддерде жылу қымбаттайтынын мәлімдеген. Шамасы, ол меншік иесінің инвестициялық жоспарлары туралы білмесе керек. Айтпақшы, Әбдірахманов қалада кокс өндіретін кәсіпорын салуға ниетті, яғни ол жылу тарифін қымбаттатпай-ақ пайдадан кенде болмасы анық.

Серіктес жаңалықтары