Британиялық ғалымдар А дәрумені вируспен зақымдалған мұрын тінін қалпына келтіруге қалай әсер ететінін зерттеп жатыр, деп хабарлайды ulysmedia.kz.
dailymail.co.uk-нің мәліметінше, британиялық ғалымдар А дәрумені бар мұрынға тамызатын тамшылары COVID-19 жұқтырған адамдардың иіс сезу қабілетін қалпына келтіруге көмектесетін-көмектеспейтінін анықтамақ.
Зерттеу классикалық әдіспен жүргізіледі: топтың бір бөлігі А дәруменін, енді бір бөлігі плацебо қабылдайды. Екі топтағы адамдар әртүрлі иістердің көмегімен сынақтан өтеді. Ұлттық медициналық зерттеулер институты қаржыландыратын сынақ 2021 жылдың желтоқсан айында басталады деп күтілуде.
Аносмия – адамның иіс сезу қабілетінен толық немесе жартылай айырылып қалғанын білдіретін медициналық термин. COVID-19-бен ауырғандардың көбі иіс сезу қабілетінін айырылып қалады, бірақ арада бірнеше апта өткенде табиғи жолмен қалыпқа келеді. Коронавируспен ауырған адамдардың 5%-ында иіс сезу қабілеті жазылғаннан кейін бір жыл өтсе де қалыпқа келмейді.
