×
475.51
464.15
8.2
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
475.51
464.15
8.2

Әлия Назарбаевамен байланысты қоқыс жағатын зауыттар ақыры салынбайтын болды

22.04.2022, 11:11
Коллаж: ulysmedia.kz.

Қоқыс жағатын алты зауыт салу идеясынан бас тарту туралы шешім қабылданды, деп хабарлайды Ulysmedia.kz порталы дереккөздерге сілтеме жасай отырып.

Бұған дейін Экология, геология және табиғи ресурстар министрлігі қалдықтарды кәдеге жарату жобасының схемасын да, операторын да айқындаған болатын. 2021 жылдың шілдесінде аукцион өтіп, оның нәтижесі бойынша аукционға дейін аз уақыт бұрын ғана құрылған қазақстандық «Waste2Energy» ЖШС жеңімпаз атанған. Оның түпкілікті иесі Қазақстанның табиғатты қорғау ұйымдары қауымдастығы президиумының төрайымы Әлия Назарбаева еді.

Республиканың Экология, геология және табиғи ресурстар министрі Серікқали Брекешев зауыттарды салуға 293 миллиард теңге жеке инвестиция қажет екенін атап өткен. Олар Нұр-Сұлтанда, Алматыда, Шымкентте, Қарағандыда, Ақтөбеде және Өскеменде салынады деп жоспарланған болатын. Қалалар тіпті жер телімдерін де бөліп үлгерген.

Қазақстанда қатты тұрмыстық қалдықтарды (ҚҚҚ) кәдеге жарату деңгейі төмен (2020 жылы 18,3%) және оның басым бөлігі полигондарға көмілген. Қайта өңдеудің болжамды өсуіне қарамастан (2030 жылға қарай 40%-ға дейін), Экология министрлігі мәселені қалдықтарды энергиямен қайта өңдеу арқылы шешкісі келеді. Полигондардың экологиялық нормаларға сәйкес келмеуі және өздігінен пайда болатын үйінділер жағдайды қиындатып отыр. Ведомствоның мәліметінше, Қазақстан Республикасындағы 3,2 мың полигонда 125 миллион тонна қатты тұрмыстық қалдық жинақталған (олар қалады, өртеу жоспарланбайды).