×
467.99
488.82
7.7
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
467.99
488.82
7.7

Арыстанбек Мұхамедиұлы ұсталды – Антикор

29.05.2022, 13:09
Көрнекі сурет: ашық дереккөзден

2022 жылғы 28 мамырда соттың санкциясымен Ұлттық музей директоры Арыстанбек Мұхамедиұлына қатысты «күзетпен ұстау» бұлтартпау шарасы таңдалды, деп хабарлайды Ulysmedia.kz. 

“Нұр-Cұлтан қаласы бойынша Сыбайлас жемқорлыққа қарсы қызмет «Алтын адамның әлем музейлеріне шеруі» халықаралық көрмесін өткізу жөніндегі мемлекеттік сатып алу туралы шарт аясында Қазақстан Республикасы Ұлттық музейінің лауазымды адамдарына және басқа да тұлғаларға бюджет қаражатын жымқыру белгілері бойынша 146 миллион теңге сомасында сотқа дейінгі тергеп-тексеруді жүргізеді”, – деді Антикор.

Бұған дейін Cыбайлас жемқорлыққа қарсы қызмет «Қазақстан Республикасының Ұлттық музейі» РМҚК лауазымды тұлғаларына қатысты «Алтын адамның әлем музейлеріне шеруі» халықаралық көрмесін өткізу бойынша Мемлекеттік сатып алу туралы шарт аясында 146 млн теңге сомасында бюджет қаражатын жымқыру белгілері бойынша сотқа дейінгі тергеу жүргізіп жатқанын хабарлаған болатын.

Сондай-ақ бұқаралық ақпарат құралдарында Мұхамедиұлының тамырын кесіп тастағаны туралы ақпарат пайда болған еді.

Алайда Мұхамедиұлының министр кезінен баспасөз хатшысы Айдар Қырықбай бұл ақпаратты жоққа шығарды.