Өзбекстанның қазіргі президенті Шавкат Мирзиеев бұрынғы президенттік өкілеттігін жоққа шығарған референдумнан кейін қайтадан мемлекет басшысы лауазымына кандидат болды. Бұл туралы Ulysmedia.kz хабарлайды.
Өзбекстанда сайлау мерзімінен бұрын 9 шілдеде өтеді. Мирзиеевті Өзбекстанның Либералдық-демократиялық партиясы (UzLiDeP) ұсынды. Ол Мирзиеевті 2016 және 2021 жылдардағы президенттік сайлауға кандидат ретінде ұсынған.
Партия «барлық жетістіктер, сөзсіз, Шавкат Миромонұлы Мирзиеевтің басшылығымен жүргізілген реформалардың нәтижесі» деді.
Еске салайық, 8 мамырда Өзбекстан кезектен тыс президент сайлауын өткізу туралы жарлыққа қол қойған болатын.
Референдум да болды. Өзбектерге негізгі заңдағы баптардың санын 128-ден 155-ке, ал конституциялық нормаларды 275-тен 434-ке дейін ұлғайту ұсынылды. Жалпы Конституцияны 65 пайызға жаңарту жоспарланған. Реформалар ел президентінің өкілеттігін бес жылдан жеті жылға дейін ұзартуға да қатысты. Өзбекстан азаматтары түзетулерге дауыс берсе, Шавкат Мирзиеевтің президенттік мерзімі нөлге тең болады және ол 2026 жылы үшінші рет сайлауға түсіп, 2042 жылға дейін билікте қала алады.
Бұған дейін референдумға қарсылық білдірген қарақалпақ белсенділерін Қазақстанның күш құрылымдары ұстағаны хабарланған болатын.
