Президенттік телерадио кешені Қасым-Жомарт Тоқаевтың Астанадағы көрмеде, тіпті тегін тауарға да ақша төлеп жатқаны түсірілген видеоны жариялауды ұйғарды, деп хабарлайды Ulysmedia.kz.
«Мен ешқашан тегін алмаймын. Тіпті біздің қазақ көрмелерінде де», - дейді Тоқаев сатушыға видеода.
Бұл бейнероликтің жарияланған уақытында да мән бар, кеше ғана астаналықтар көрмеде ашкөздікпен жеміс-жидек жинап жатқанын көрсететін видео желіде тарап кеткен. Әлеуметтік желі қолданушылары азаматтардың әрекетін сынға алды.
Бұдан бұрын, сәуір айында Алматыда тегін дөнер таратуға байланысты үлкен төбелес орын алғаны бар.
