Көмір өндіру және туннель салуға маманданған «Қазақстан» шахтасында 17 тамызда болған апаттан кейін жұмыс белгісіз уақытқа тоқтатылды, деп хабарлайды Ulysmedia.kz.
Қазір шахтада жұмысшылардың өмірін қамтамасыз ету шаралары жүргізілуде. «Қорғау» кәсіподақ ұйымы негізгі жұмысты тоқтатуға мәжбүр болған 600-ге жуық қызметкердің көмір департаментіне қарасты басқа шахталарға ауыстырылғанын мәлімдеді. Кәсіподақ «АрселорМиттал Теміртау» АҚ басшылығымен ауысқан жұмысшылардың еңбекақысы атқарылған жұмысқа байланысты болатынын, бірақ орташа жалақыдан төмен болмайтынын жеткізді.
17 тамызда болған өрт кезінде «Қазақстан» шахтасынан шыға алмай қалған бес кеншінің де қаза тапқаны расталды.
Олар:
1. Денис Стешин, 1978 ж.т., жерасты туннельшісі, 4-разряд, еңбек өтілі 21 жыл;
2. Халиков Артур, 1994 ж.т., жер асты электромонтері, 4-разряд, жұмыс өтілі 10 жыл;
3. Виктор Бургун, 1966 ж.т., жерасты электромонтер, 5-разряд, еңбек өтілі 39 жыл;
4. Слюнков Виталий, 1965 ж.т., жерасты электромонтер, 5-разряд, еңбек өтілі 39 жыл;
5. Илья Старовойт, 1996 ж.т., жер асты электромонтері, 3-разряд, жұмыс өтілі 4 жыл.
«АрселорМиттал Теміртау» кәсіпорнындағы өліммен аяқталатын жазатайым оқиғалардың кез келген шектен шыққан статистикасы интернет қолданушылардың ғана емес, мемлекет басшысынан бастап шенеуніктердің де наразылығын тудырды.
Сәуірдің 23-і күні «АрселорМиттал Теміртау» компаниясының адвокаты Ирина Эмнің өлтірілгені белгілі болды. Оның зорлық-зомбылық ізі бар денесін шақыртуға келген Шахтинск қаласының өрт сөндірушілері тапқан. Әлеуметтік желіде қызу талқыланып жатқан ең үлкен сұрақ – әйелдің өлімінің оның кәсіби қызметіне қатысы бар ма?
Бұған дейін Энергетика министрлігі «АрселорМиттал Теміртау» АҚ ЖЭО-2-нің күзгі-қысқы кезеңге дайындығын тексеру нәтижелері туралы хабарлаған болатын.
Айта кетейік, бұған дейін кәсіпорын тағы бір заңбұзушылық үшін 1,2 млрд теңгеге жазаға тартылған.
