×
441.66
475.14
4.86
#БишімбаевСоты #су тасқыны #қаңтар қақтығысы #Украинадағы соғыс #жемқорлық #тағайындау
441.66
475.14
4.86

Таразда қаңтар оқиғасы кезіндегі "әрекетсіздігі" үшін 5 полицейге үкім шықты

07.09.2023, 16:20
фото: ашық дереккөзден

Таразда қаңтардағы тәртіпсіздіктер кезінде полицейлердің әрекетсіздігіне қатысты іс бойынша үкім шығарылды, деп хабарлайды Ulysmedia.kz.

Тараз полиция басқармасының бұрынғы бастығы Асылхан Зәуірбеков, Жамбыл облысы полиция департаменті басшысының бұрынғы орынбасары Фахриддин Шанкаров және  тыл басқармасы бастығы Ноян Қиымбеков төрт жылға бас бостандығынан айырылды.

Сәбит Оразов 3 жылға сотталды, бірақ рақымшылық бойынша жазасынан босатылды. Мақсат Төребеков кінәсіз деп танылды.

Еске салайық, бұдан бұрын прокурор полицей қызметкерлерінің әрекетсіздігі қалай көрініс тапқанын айтып берген.

Ол Жамбыл облысы полиция департаменті бастығының орынбасары Фахритдин Шанкаров қаңтар айындағы оқиғалар кезінде генерал Сүлейменов телефон арқылы оқ-дәрілер мен автокөліктерді эвакуациялауға тапсырма берген кезде өз бетінше жұмыс орнынан кеткенін мәлімдеді. Прокурор Шанкаров бұрын тыл басқармасының бастығы қызметін атқарғанын еске салды, сондықтан қанша қару мен оқ-дәріні шығару керегін жақсы білгеніне сенімді. Генералдың сұрағын естіген куәгерлер бар –  "Сен қару-жарақты шығарып жатсың ба?" деген сауалға ол: "Иә, жұмыс істеп жатырмын", деп жауап берген.

Полиция департаментінің оқ-дәрі қоймасынан 35 қорап шығарылған. Қанша оқпан мен оқ-дәрі болғанын ешкім айта алмады, бірақ прокурордың мәлімдеуінше, генерал тыл басқармасы бастығы Қиымбековке қаруды сақтап, оны эвакуациялауға бұйрық берген. Онымен бірге көлікте бөлім бастығы Оразов және қоймаға жауапты Төребек болған.

Айыптаушының сөзінше, Шанкаров пен Қиымбеков барлық оқ-дәрілер эвакуацияланбағанын және 6 қаңтарда қару-жарақ есепке алынбай, қол қойылмай берілгенін айтпаған.

Прокурор соттан ҚР ҚК 370-бабы 4-бөлігінің 1-тармағы –  "Қызметтегі әрекетсіздік" бойынша айыпталған Фахритдин Шанкаровты, Ноян Қиымбековті, Сәбит Оразовты және Мақсат Төребековті 6 жылға соттауды сұраған. Ал қызметтік әрекетсіздігі және билікті асыра пайдаланғаны үшін Асылхан Зәуірбековті 8 жылға бас бостандығынан айыруды ұсынған болатын.

Серіктес жаңалықтары