Лауазымын теріс мақсатта пайдаланды деп айыпталған Батыс Қазақстан облысының мемлекеттік сәулет-құрылыс бақылауының басшысы Қырғызстанға қашып кетпек болған, деп хабарлайды Ulysmedia.kz.
Мәди Отарбаевқа қатысты іс сот қарауына биыл маусым айында түскен. Сот материалдарына сүйенсек, ол 3 тамызда түн ортасында шекарадан өтуге тырысқан.
Шенеунік ҚК 3-тармағының 4-бөлігінің 361-бабы “Ауыр зардаптарға әкеп соқтырған лауазымдық өкілеттіктерді теріс пайдалану” бойынша қылмыстық құқық бұзушылық жасады деп айыпталуда. Бұл бап бойынша сотталушы жеті жылға дейін бас бостандығынан айырылуы мүмкін. Мамыр айынан бастап қылмыстық қудалау органы оған елден кетпеу туралы бұйрық берген.
Айыпталушы бұйрыққа бағынбағандықтан 4 тамызда Шығыс Қазақстан облысы Өскемен қаласының № 2 соты оған бұлтартпау шарасын қамауда ұстауға өзгертті.
Мәди Отарбаевтың өзі және оның адвокаты бұлтартпау шарасын бұрынғы күйінде қалдыруды сұрады. Сотталушы отбасылық және денсаулық жағдайы бойынша Бішкекте тексеруден өткісі келгенін айтып ақталды.
БҚО әкімдігінің мәліметінше, 55 жастағы шенеунік әлі де облыстық мемлекеттік сәулет-құрылыс бақылауының басшысы қызметінде.
