×
459.46
495.71
4.93
#Қаңтар оқиғасы #қаңтар қақтығысы #сайлау #жемқорлық #тағайындау
459.46
495.71
4.93

Смайылов Назарбаев атындағы мектептер, университет және қордың жоғары кеңесін басқарады

06.10.2023, 13:06
Коллаж: Ulysmedia.kz

Үкімет қаулысына сәйкес, қыркүйек айының соңында Назарбаев атындағы мектептердің, университеттің және қордың Жоғары қамқоршылық кеңесі мүшелерінің өкілеттіктері мерзімінен бұрын тоқтатылды, деп хабарлайды Ulysmedia.kz.

Кеңестің басшысы Қазақстанның премьер-министрі Әлихан Смайылов болды. Кеңес құрамына енгендер:

  • премьер-министрдің орынбасары – Қаржы министрі Ерұлан Жамаубаев;
  • Премьер-министрдің Әлеуметтік сала мәселелері жөніндегі орынбасары Тамара Дүйсенова;
  • президенттің экономикалық мәселелер жөніндегі көмекшісі Әсет Ерғалиев;
  • ғылым және жоғары білім министрі Саясат Нұрбек;
  • Назарбаев университеті президентінің міндетін атқарушы Адесида Илесанми.

Айта кетейік, бұған дейін кеңес басшысы қызметін Қазақстанның бұрынғы президенті Нұрсұлтан Назарбаев атқарған болатын.

Шілдеде Қасым-Жомарт Тоқаев Нұрсұлтан Назарбаевты өз атымен аталатын мектептер, ЖОО және қордың жоғарғы кеңесі басшысы мәртебесінен айыратын заңға қол қойды.

Ал жуырда Назарбаев соңғы мемлекеттік лауазымынан айырылды.

Серіктес жаңалықтары