Қасым-Жомарт Тоқаев Ақордада Франция Президенті Эмманюэль Макронды қарсы алды, деп хабарлайды Ulysmedia.kz.
Қасым-Жомарт Тоқаев Қазақстанға ресми сапармен келген Франция президенті Эмманюэль Макронды Ақордада қарсы алды.
Мәртебелі мейманның сапарына орай салтанатты рәсімдер залында Құрмет қарауыл сап түзеп, оның бастығы президенттерге баянат берді. Екі елдің әнұраны орындалды.
Осыдан кейін Эмманюэль Макрон мен Қасым-Жомарт Тоқаев кілемше бойымен жүріп, шағын құраммен келіссөз жүргізуге кетті.
