×
470.9
496.94
8.83
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
470.9
496.94
8.83

Президент референдумда дауыс берді

05.06.2022, 09:39
ашық дереккөзден

Мемлекет басшысы Қасым-Жомарт Тоқаев референдумда дауыс берді, деп хабарлайды Ulysmedia.kz

Мемлекет басшысы елордалық Оқушылар сарайында орналасқан №59 сайлау учаскесінде дауыс берді.

Сонымен қатар бұған дейін Мәжіліс төрағасы Ерлан Қошанов пен Премьер-Министр Әлихан Смайылов референдумда дауыс берді. Ол ұлттық кітапхана ғимаратындағы №111 сайлау учаскесінде дауыс берді.

Бүгін елімізде Конституцияға өзгерістер енгізу бойынша республикалық референдум өтіп жатыр. Қазақстанда ең алғашқы референдум осыдан 27 жыл бұрын 1995 жылы өткен. Биыл  референдумда Конституцияға өзгерістер енгізеді. Ата заңның 33 бабына 56 өзгеріс енгізу ұсынылып отыр.

Қазақстанның 18 жасқа толған әрбір азаматы референдумға қатыса алады. Барлық өңірде сайлау учаскелері жұмысын бастады. Сондай-ақ 52 мемлекетте дауыс беруге болады. Дауыс беру уақыты таңғы сағат 07.00-ден 20.00-ге дейін жалғасады.

Осыдан тура бір ай бұрын ҚР Президенті Қасым-Жомарт Тоқаев 5 маусымда республикалық референдум өткізу туралы Жарлыққа қол қойған болатын.

Барлық сайлау учаскесі таңғы 7:00-ден 20:00-ге дейін жұмыс істейді.