×
434.07
494.45
5.66
#қаңтар қақтығысы #мұнай #әкімге үш сұрақ #лот ашар #ауыс-түйіс #кибербуллинг #коронавирус #hi-tech
434.07
494.45
5.66

БҚО-да жол апатынан алты адам қаза тапты

02.01.2022, 16:13
Фото: ашық дереккөз

Өткен тәулікте Батыс Қазақстан облысында үш жол апаты болып, 6 адам көз жұмды. Оның біреуі – бала. Тағы 10 шақты адам жарақат алды, деп хабарлайды ulysmedia.kz.

Жол апатының екеуі Орал қаласында, біреуі Самара-Шымкент трассасының бойында болған. Зардап шеккен жолаушылар ауруханада жатыр. Көбі жабық бас-сүйек жарақатын алған. 8 жасар бала жансақтау бөліміне түскен. Аймақта күн боран, жол тайғақ. Қолайсыз ауа райына байланысты бүгін Самара-Шымкент, Орал-Тасқала-РФ шекарасы, Орал-Атырау бағытындағы трассалар жабылды.

«Полиция қызметкерлерімен оқиғаның себептері мен мән-жайлары анықталуда. Аталған фактілер бойынша ҚР ҚК 345-бабы бойынша сотқа дейін тергеу басталды. Ауа райының нашарлауына байланысты рөлге отырмауға және қаладан шықпауға тырысыңыз», - дейді БҚО Полиция департаменті баспасөз қызметінің маманы Дариға Мәжитова.