Ұлттық банк LS басылымына берген мәліметінде 1,5 трлн теңгелік зейнетақы ақшасы қалай пайдалана бастайтынын түсіндірген.
Бұл қаражат нарық шарттарымен және ұзақ мерзімді ірі жобаларға қайтарымды негізде инвестиция ретінде берілмек.
Схема қандай?
Бірыңғай жинақтық зейнетақы жүйесі "Бәйтерек" ұлттық холдингі мен "Самұрық-Қазына" мемлекеттік қорының облигацияларын сатып алады.
Қазір экономиканы әртараптандыру және дамыту мақсатына сәйкес келетін жобалар таңдалып жатыр. Яғни, қаражат импортқа тәуелділікті төмендететін және қазақстандық қамту үлесін арттыратын жобаға жұмсалады.
– Қаржыландыру жобаларды іріктеуге қарай 2024-2025 жылдар ішінде кезең-кезеңімен жүргізіледі, – деп атап өткен ұлттық банк.
Сонымен қатар, жобаларды іске асырудың әртүрлі мерзіміне байланысты " Бәйтерек" және "Самұрық-Қазына" облигациялары айналымның әртүрлі кезеңімен, бірақ 15 жылдан аспайтын мерзіммен шығарылады.
– Бұл құралдар KASE-де орналастырылады. Оларды сатып алуға барлық мүдделі инвесторлар қатыса алады. Облигациялардың өтеу мерзімі, сондай-ақ жылына кемінде бір рет төленетін купондық сыйақысы бар, - деп атап өтеді ұлттық банк.
Бұған дейін халықаралық валюта қорының өкілі мемлекет қазақстандықтардың зейнетақы жинақтарын жобаларға пайдалану ниеті туралы түсініктеме берген болатын. Содан кейін сарапшылар бұл идеяға қарсы шығып, оларды бюджет есебінен қаржыландыруды ұсынған.
Өз кезегінде тәуелсіз экономист Александр Юрин зейнетақы активтерін жұмсау процестің ашықтығы мен сыбайлас жемқорлық тәуекелдерінің төмендеуі жағдайында ғана ақталуы мүмкін деп санайды.
Сүлейменовтың ұстанымы
Ұлттық банк төрағасы Тимур Сүлейменов бұған дейін министрлер кабинеті энергетикалық нысандарды жаңғырту үшін Бірыңғай зейнетақы қорынан (БЗҚ) алынатын 1,5 триллион теңгенің қалай бөлінетінін түсіндірген еді. Жалпы, ұлттық банк бұл қаражатты зейнетақы қорынан шығару қажеттігі туралы Үкіметтің ұстанымымен келіседі. Алайда 1,5 триллион теңгенің барлығын тек инфрақұрылымдық жобаларға бағыттауға болмайтынын атап өтеді.
