Алматы-Қорғас тасжолында 17 көлік апатқа ұшырады. Әлеуметтік желілерде оқиғаның видеосы тарады, деп хабарлайды ulysmedia.kz.
Әлеуметтік желіде Алматы облысындағы ірі жол апаты орын алған тас жолдың видеосы жарияланды.
Полиция департаментінің мәліметінше, жол апаты Алматы-Қорғас автожолының 134-ші шақырымында сағат 10:00 шамасында болған.
«Ауа райының қолайсыздығы салдарынан 17 автокөліктің қатысуымен жол апаты болды. Жол-көлік оқиғасы салдарынан 5 адам зардап шекті, олар Шелек ауылындағы облыстық ауруханаға медициналық тексеруге жеткізілді. Оқиға орнында патрульдік полиция қызметі жұмысын жалғастыруда. 84-тен 136-шы шақырымға дейінгі жол бөлігі көлік қозғалысы үшін жабылды», - делінген баспасөз хабарламасында.
