Сұйытылған газ бағасын 1 литріне 50 теңгеге дейін төмендету туралы уағдаластыққа қол жеткізілгені жайлы Ақтаудағы ереуілдеушілер мен үкімет басшысының орынбасары, арнайы құрылған мемлекеттік комиссия төрағасы Ералы Тоғжановтың кездесуі барысында белгілі болды деп хабарлайды Ulysmedia.kz.
Осылайша Маңғыстау облысы бойынша тиісті әлеуметтік жауапкершілікті «Қазмұнайгаз» ұлттық компаниясы өз мойнына алатын болды. Сондай-ақ алаңға жиналған жандардың жазаланбайтынына кепілдік берілді. Тараптар барлық пайда болған сұрақты өзара келісе отырып, заң аясында шешпек.
