×
448.89
477.93
4.76
#БишімбаевСоты #су тасқыны #қаңтар қақтығысы #Украинадағы соғыс #жемқорлық #тағайындау
448.89
477.93
4.76

«Ең маңызды екіжақты қарым-қатынас»: Джо Байден мен Си Цзиньпин нені талқылады

16.11.2023, 07:35
AFP

АҚШ президенті мен ҚХР төрағасының көптен күткен кездесуі Сан-Францискода Азия-Тынық мұхиты экономикалық ынтымақтастығы саммиті басталғанға дейін өтті, деп хабарлайды Ulysmedia.kz.

Бір жылдан кейінгі кездесу

Жоғары деңгейдегі кездесу барысында екі ірі державаның басшылары мемлекеттері арасындағы шиеленісті азайтуға уәде берді. Осылайша, конференцияның ашылуында сөйлеген сөзінде Америка президенті АҚШ пен Қытай олардың арасындағы бәсекелестік "қақтығысқа айналмайтынына және бір-бірімен жауапкершілікпен қарым-қатынас жасайтынына" көз жеткізуі керек деп атап өтті.

Бұған жауап ретінде Си Цзиньпин бір жыл бұрын Балиде өткен соңғы кездесуден кейін көп оқиға болғанын атап өтті. Оның айтуынша, "әлем COVID-19 пандемиясынан шыға бастаған, бірақ оған әлі де үлкен әсер етіп жатыр". Сонымен бірге, Қытай көшбасшысы "жаһандық экономика қалпына келеді, бірақ оның қарқыны баяу" деп атап өтті.

"Мемлекеттер екі ел, әлем мен тарих алдында зор жауапкершілікке ие"

Қытай басшысы өз елдері арасындағы қатынастарды "әлемдегі ең маңызды екіжақты қарым-қатынас" деп атады. Ал Байден мен оның өзі "мемлекеттер екі ел, әлем пен тарих алдында зор жауапкершілікке ие" деп атап өтті.

- Қытай мен АҚШ сияқты екі ірі елдің бір-бірінен теріс айналуы - табылған ақыл емес. Бірі екіншісін өзгертуі мүмкін емес, ал қақтығыс пен қырғи қабақ болу екі жаққа да орны толмас деңгейде ықпал етеді", – деді Си Цзиньпин.

Сонымен қатар, Ақ үйде алдағы саммит пен Қытай билігімен келіссөздердің негізгі мақсаттары жөнінде сөз болды. Мәселен, екі ел арасындағы, оның ішінде америкалық және қытай әскери күштері арасындағы қалыпты байланыстарды қалпына келтіру үшін әскери ведомстволардың байланыс арналарын жандандыру жоспарланып отыр.

Сондай-ақ, кездесуде жаһандық мәселелер талқыланады. Таяу Шығыстағы қақтығыстан бастап Ресейдің Украинаға толық басып кіруіне дейін, Солтүстік Кореяның Ресей Федерациясымен байланысы, Тайвань, адам құқықтары, жасанды интеллект, сондай-ақ сауда-экономикалық қатынастар сөз болады.
 

Серіктес жаңалықтары