Шымкентте көпқабатты үйдегі өртке байланысты 50-ден астам адам өз бетінше эвакуацияланды, деп хабарлайды Ulysmedia.kz.
Шымкент тұрғындары оқиға орнында түсірілген видеоны әлеуметтік желіде таратты.
Шымкент қалалық төтенше жағдайлар департаменті өрттің Тұран ауданында болғанын хабарлады.
Сағат 14:10-да өрт туралы хабар түскен.
"Тұрғын үйдің 10-қабатында 17 шаршы метр аумақта ас үй мен лоджия өртенді. Өрт 14:48-де сөндірілді. Екі адам баспалдақ арқылы құтқарылды, 50 адам баспалдақпен өз бетінше эвакуацияланды. Өрттің шығу себебі анықталып жатыр", - деп хабарлады Шымкент қалалық ТЖД.
