Конкурс алты бағыт бойынша ағылшын тілінде өткізіледі, деп хабарлайды Ulysmedia.kz.
Астанада "INFORMATICS-ASIA" компьютерлік жобалардың халықаралық сайысы басталды. Жарысқа әлемнің 4 елінен 184 жобамен 450 оқушы қатысады.
Байқаудың негізгі мақсаты:
- IT саласындағы ғылыми зерттеулерге қызығушылық танытатын талантты жастарды анықтау, қолдау және дамыту;
- IT саласын дамытудың тиімді құралы ретінде дарынды оқушылардың ғылыми-зерттеу қызметіне негізделген жаңа жобаларды әзірлеу;
- Түрлі елдерден оқушылар мен мұғалімдерді тарта отырып, халықаралық ынтымақтастықты нығайту және шығармашылық тәжірибе алмасу.
Байқау ағылшын тілінде және алты бағыт бойынша өткізіледі: робототехника-FLL Challenge және Arduino Hackathon; компьютерлік бағдарламалау; компьютерлік графика және өнер; қолданбалы зерттеу жобалары; қысқаметражды фильмдер; қолданбалы математика жобалары.
"Айта кетейік, Қазақстанда жарыс 10 жылдан астам уақыт бойы өткізіліп келеді. Осы уақыт ішінде ғылыми іс-шараға 20 елден 5000-ға жуық оқушы қатысты", - деп хабарлады оқу-ағарту министрлігінен.
