"Өзенмұнайгаз" АҚ-қа тиесілі "Өзен" кен орнының аумағында ҚазМұнайГаздың мердігер ұйымының қызметкері қаза тапты, деп хабарлайды Ulysmedia.kz порталы Lada.kz ақпарат көзіне сілтеме жасай отырып.
Оқыс оқиға 2024 жылдың 27 қаңтарында болған.
Алдын ала берілген есепке сәйкес, оқиға НГДУ-3 жұмысшыларының міндетіндегі №4192 ұңғымасына күрделі жөндеу жұмыстарын жүргізу кезінде сағат кешкі 21:25-те болған.
"Мұнайспецснабкомпани" ЖШС цементтеу агрегатының машинисі бригада қызметкерлерінің тұрғын-жайына арналған вагонда – культ стендінің баспалдағымен көтерілген кезде тоққа түскен.
Оқиға орнына келген жедел медициналық жәрдем қызметкерлері жұмысшының қайтыс болғанын хабарлаған. Оқиғаға тұтынушылардың электр қондырғыларын техникалық пайдалану ережелерінің талаптарын бұзуы себеп болғаны айтылады.
