БҰҰ сарапшылары тәліптерді әйелдер мен қыздарды киім үлгісін бұзғаны үшін қамауға алуды тоқтатуға шақырды, деп хабарлайды Ulysmedia.kz БҰҰ ресми сайтына сілтеме жасап. Ұйым қаңтар айының басынан бері ондаған әйелдер мен қыздар ұсталып, қатыгездікке ұшырағанына алаңдап отыр.
"Біз тәліптерді әйелдер мен қыздарға қатысты қатаң киім кию әдебін бұзғаны үшін кез келген ерікті түрде бас бостандығынан айыруды тоқтатуға және ұсталғандарды дереу босатуға шақырамыз",- деді БҰҰ тәуелсіз сарапшылары.
Олар билікті Ауғанстанның адам құқықтары саласындағы халықаралық міндеттемелерін, соның ішінде әйелдерге қатысты кемсітушіліктің барлық түрлерін жою туралы Конвенция шеңберінде сақтауға шақырды.
БҰҰ-да атап өткендей, ауғандарды ұстау бастапқыда Кабулдың батысында басталған. Бірақ тез арада қала мен провинцияның басқа бөліктеріне таралды. Тұтқындаулар сауда орталықтарында, мектептерде және базарларда жалғасқан. Әйелдер мен қыздарды полиция күштеп алып, сыртқы әлеммен байланыссыз қалдырды.
Естеріңізге сала кетейік, 2021 жылдың тамызында тәліптер билікке келген кезден бастап Ауғанстанның жағдайы нашарлады. Қыздар мен әйелдер оқу, жұмыс істеу және қоғамдық өмірге қатысу мүмкіндігінен айырылды.
2022 жылдың мамырында тәліптер ауғандарға денесі мен бетін толығымен жабатын кең қара киім киюді бұйырды. Дресс-код ережелерін сақтау жауапкершілігі ер туыстарына жүктелді.
