БҰҰ Таяу Шығыстағы тәуелсіз миссиясын орындау үшін Қазақстаннан аттанған әскерилер Сирияға аман-есен жетті, деп жазады Ulysmedia.kz.
14 наурызда 139 адамнан тұратын алғашқы эшелонды Алматыдан салтанатты түрде шығарып салды.
15 наурызда бітімгершілік контингенттің жеке құрамы ҚР әуе қорғанысының 295 күшімен үш ұшақпен Дамаскіге аман-есен жетті. Ары қарай әлемнің ең тұрақсыз аймақтарының бірі – Голан биіктігіне бет алады. Бұл аймақ даулы аймақ болып саналады. Оның көп бөлігі Израильдің бақылауында және шығыс бөлігінде шамамен 600 шаршы шақырым Сирияның ықпал ету аймағында орналасқан.
Сирия аумағында қазақстандықтарды жылы қарсы алды. Жергілікті тұрғындар Қазақстанның әскери күштері Таяу Шығыс аймақтарында тәртіпті қамтамасыз ету бойынша ерекше және маңызды жұмыс үшін ұшып келгенін түсінеді.
Әуежайда тиісті процедуралардан өтіп, багажды тиегеннен кейін біздің әскерилер БҰҰ базасына бет алды.
Жақын арада біздің әскерилер Дамаскіге бітімгершілік күштерінен бұрын жіберілген техника мен қару-жарақты қабылдайды.
