Құқық қорғау органдарының мәліметі бойынша, алаяқтар ең көп қолданылатын алты сөз тіркесі бар, деп хабарлайды Ulysmedia.kz.
Ішкі істер министрлігі алаяқтар жиі қолданатын алты сөз тіркесін атады.
"Егер сіз бұл сөздерді бейтаныс адаммен телефон арқылы сөйлескен кезде естісеңіз, телефонды дереу тастаңыз", - деп хабарлады ІІМ.
Жиі айтылатыны:
- сіздің ақшаңызды ұрлағалы жатыр, күдікті операция тіркелді;
- SMS кодын жазыңыз;
- тергеу амалдары жүріп жатыр, алаяқтарды ұстауға және ақпаратты жария етпеуге көмектесіңіз;
- несиеге өтінім ресімделді;
- ақшаны арнайы және қауіпсіз шотқа аудару;
- сіздің банктік картаңыздың / SIM картаңыздың мерзімі аяқталады.
"Полиция азаматтарға қырағы болуға және туыстары мен жақындарына ескерту жасауға кеңес береді", - делінген хабарламада.
