×
465.28
499.2
5.33
#БишімбаевСоты #су тасқыны #қаңтар қақтығысы #Украинадағы соғыс #жемқорлық #тағайындау
465.28
499.2
5.33

Қаңтар оқиғасы: «Президент резиденциясы мен әкімдікті басып алды» деп айыпталған 11 адамға үкім шығарды

11.06.2024, 16:16

Алматы қаласының қылмыстық істер жөніндегі мамандандырылған ауданаралық сотында 11 сотталушыға "жаппай тәртіпсіздіктер мен шабуылдарға қатысқандарына, күзетілетін объектілер және оларды басып алу, сондай-ақ билік өкілдеріне қарсы зорлық-зомбылық қолдануға" (272-бап,269-1-бап 3-бап 380-бап) қатысты қылмыстық істің үкімін шығарды, деп хабарлайды Ulysmedia.kz.

Сот хабарламасы

Соттың анықтауынша, 2022 жылдың 4-5 қаңтарында сотталушылар жаппай тәртіпсіздіктерге қатысып қорғалатын объектілерге – Алматы қаласының әкімдігіне, Президент резиденциясына, полиция басылымына заңсыз кірген. Сотталушылардың қылмыстық әрекеттері мүліктің жойылуына ұласып ауыр зардаптарға апарып соққан.

– Тәртіпсіздік барысында үш сотталушы қоғамдық тәртіп орнату жөнінде шаралар қабылдаған әскери қызметшілер мен құқық қорғау органдарының қызметкерлеріне зорлық-зомбылық көрсетті. Ал, сотталушылардың біреуі екі әскери курсантты тұтқынға алып, оларға жеңіл дене жарақаттарын келтірген. Сотталушылар кінәсін жартылай мойындады, – делінген сот хабарламасында. 

Қандай жаза тағайындалды

Аталған қылмыстарды сот ауыр және аса ауыр қылмыстар санатына жатқызған. Жаза тағайындау кезінде сот жауапкершілікті жеңілдететін жағдайларды ескерген. Бірінің кәмелетке толмаған балаларының болуын, екіншісінің денсаулық жағдайын, отбасылық жағдайларын және бұрын сотты болмағандарын ескерген.

Жоғарыда айтылғандарды ескере отырып, сот 10 сотталушыны ҚК 272-бабының 2-бөлігі, 380-бабының 3-бөлігі, 269-бабының 3-бөлігі-1), 4), тармақшалары бойынша кінәлі деп тапты. "Рақымшылық туралы" ҚР заңы қолданыла отырып, олардың әрқайсысы 1 жылға 9 айға бас бостандығынан айырылды.

Бір сотталушы ҚК 272-бабының 2-бөлігі, 380-бабының 3-бөлігі, 1), 4) - тармақтары, 269-1-бабының 3-бөлігі, 261-бабының 3-бөлігі бойынша кінәлі деп танылды, оған "Рақымшылық туралы" ҚР Заңы қолданыла отырып, 4 жылға бас бостандығынан айыру жазасы қолданылды.

Үкім заңды күшіне енген жоқ.

Қаңтар оқиғалары

2022 жылдың басында Қазақстанда Жаңаөзендегі газ бағасының көтерілуіне қарсы наразылық шерулерінен басталған ауқымды толқулар болды. Олардың жолын кесу үшін Президент Қасым-Жомарт Тоқаев, атап айтқанда, ҰҚШҰ күштерін шақырды. Қазақстан билігі тәртіпсіздіктерге байланысты «лаңкестерді» айыптады.

Ресми мәлімет бойынша, 238 адам Қаңтар оқиғасының құрбаны болған.

Серіктес жаңалықтары