Астана көшелеріндегі жол жөндеу жұмыстарына байланысты Есіл өзеніндегі Қараөткел көпірі бір айға уақытша жабылады, деп хабарлайды Ulysmedia.kz.
Есіл өзені үстіндегі Қараөткел көпірінің Тәшенов көшесінен Қалқаман көшесіне дейінгі учаскесіндегі жолға орташа жөндеу жұмысы жүргізілмек. Бұл туралы Астана қаласы әкімдігінің көлік және жол-көлік инфрақұрылымын дамыту басқармасы хабарлады.
Осыған байланысты 14 шілдеден 15 тамызға дейін жоғарыда аталған учаске ішінара жабылады.
“Елорда тұрғындары мен қонақтарын қала жолдарында кептеліс тудырмас үшін қозғалыс бағытын алдын ала жоспарлауы қажет,” делінген әкімдік ақпаратында.
Бұл ретте автокөлік қозғалысы жол тараптарының бірі бойынша екі бағытта да жүзеге асады.
