Иманбек Зейкенов GQ Russia журналының тұжырымы бойынша «Жыл жаңалығы» аталымында жеңіске жетті, деп хабарлайды ulysmedia.kz басылымның ресми сайтына сілтеме жасап.
«Grammy сыйлығы, аудиоплатформаларда миллиардтаған адамның тыңдауы, әлемдік музыкалық компаниялар және лейблдермен келісімшарттар. Біз биыл барлық жерде танымал болған Roses ремиксін жасаған жас қазақстандық диджей әрі продюсер Иманбек Зейкенов үшін бұл тек бастама деген сенімдеміз», - делінген GQ ақпаратында.
Мәліметке сай, Иманбекпен бірге бұл санатта ресейлік актерлер Евгений Сангаджиев, Владимир Онохов, Федор Федотов пен рэп-орындаушы Soda Luv бәсекеге түскен.
