Ресейде «Incrusies круиз клубы» ресми түрде қаржылық пирамида ретінде танылды, деп хабарлайды ulysmedia.kz.
profi.travel-дің мәліметінше, компания ТМД елдерінде белсенді түрде жұмыс істеген. Ресей билігі Incruises сайтын бұғаттағаннан кейін Ресей Банкі Incruises-ті «қаржы нарығында заңсыз әрекеттердің белгілері анықталған компаниялардың тізіміне» қосты.
Реттеушінің айтуынша, круиздік сатушының қызметінде қаржылық пирамида белгілері анықталған. Ұйымдастырылған семинарларда компания тыңдаушыларды «жабық клубқа» қосылуға шақырған, оның мүшелері «тегін» круизге құқылы болған. Ол үшін олар Incruises-тің ішкі валютасы – «круиздік балға» айырбасталатын ай сайын 100 доллар немесе одан да көп сома салуы керек болған. Оларға бес жыл үздіксіз төлем шартымен негізгі круиздік пакетті сатып алу мүмкіндігі берілген. Ұшу, сақтандыру, экскурсия, бар депозиті сияқты басқа да қосымша қызметтер бөлек төленуі тиіс екені атап өтілген.
Егер клиент өз шотына бір жылдан астам уақыт ақша салуды тоқтатса, барлық жинақталған «круиздік балл» күшін жояды. Компания ресми дилерлер мен басқа делдалдарды айналып өтіп, круиздік операторлармен тікелей круизді брондау құқықтары бар екеніне сендірген. Мұндай мәлімдемелер туристік қауымдастықта күдік тудырған, өйткені тіпті ірі круиздік сатушылар дилерлер мен уәкілетті сатушылар арқылы жұмыс істейді.
