Қазақстан президентін Парижде салтанатты қарсы алу рәсімі өтті, деп хабарлайды Ulysmedia.kz.
Қасым-Жомарт Тоқаевтың Франция Республикасына мемлекеттік сапары салтанатты қарсы алу рәсімінен басталды.
Мемлекет басшысын әскери оркестрдің сүйемелдеуімен президент Эмманюэль Макрон қарсы алды. Қазақстан мен Францияның мемлекеттік әнұрандары шырқалды.
Президенттер республикалық гвардия, әуе-ғарыш, құрлық және теңіз әскерлерінен жасақталған Құрмет қарауылының алдынан жүріп өтті. Бұдан кейін мемлекеттер басшылары Құрмет қарауылының салтанатты шеруін тамашалады. Қасым-Жомарт Тоқаев пен Эмманюэль Макрон бір-біріне ресми делегация мүшелерін және құрметті қонақтарды таныстырды.
Францияның басылымдары екі елдің президенті талқылайтын тақырыптар арасында өзгелермен қоса, Украинадағы соғыс, Қазақстанда АЭС салу мәселесі де бар деп жазады.
