Еңбек және халықты әлеуметтік қорғау министрлігі Ұлытау облысында қаза тапқан жұмышылардың отбасыларына мемлекеттен қанша жәрдемақы берілетіні туралы ақпарат таратты, деп хабарлайды Ulysmedia.kz.
Әрбір отбасы асыраушысынан айрылғаны үшін жәрдемақы алады, оның мөлшері асырауындағы адамдардың санына және күнкөріс деңгейіне байланысты. Қосымша мемлекеттік әлеуметтік сақтандыру қорынан (МӘСҚ) төлемдер тағайындалады.
Қаза тапқан кеншілердің бәрі міндетті әлеуметтік сақтандыру жүйесінің қатысушылары болғандықтан, олардың отбасыларына мемлекеттік жәрдемақыға қосымша асыраушысынан айрылғанына байланысты МӘСҚ-тан әлеуметтік төлемдер тағайындалады, - деп хабарлады үкіметтен.
Мысалы, бір асырауындағы бір адам үшін төлемдер сомасы бюджеттен 42 530 теңгені және МӘСҚ-тан 141 523 теңгені, ал асырауындағы бес бала үшін тиісінше 127 127 теңгені және 335 017 теңгені құрайды. Бұл төлемдер баланың 18 жасына дейін, ал егер ол университетте күндізгі бөлімде оқитын болса – 23 жасқа дейін есептеледі.
Бұдан басқа, отбасылар БЖЗҚ-дан жерлеуге 369 608 теңге (94 АЕК) мөлшерінде біржолғы төлем алады.
"Қазақмыс" компаниясы да ұжымдық шартқа сәйкес мынадай көмек көрсетеді:
ҚАЗАҚМЫСТАҒЫ АПАТ
17 ақпан күні кешке Ұлытау облысының Жаңаарқа ауданындағы "Қазақмыс" корпорациясының "Жомарт" кенішінде тау-кен массасы құлаған. Сол жерде шахтаның жеті қызметкері болды. Кабельдердің үзілген соң жұмысшылармен байланысу мүмкін болмаған. Іздестіру-құтқару жұмыстары барысында құтқарушылар тобы "Қазақмыс корпорациясы" ЖШС-нің жеті қызметкерінің денесін тапты. Артынша Ұлытау облысында үйінді астында қалған жеті кеншінің аты-жөні жарияланды.
Сонымен қатар, “Қазақмыс” жеті кеншінің суреттерін жариялады.
