Украина президенті Владимир Зеленский 11 наурызда командасының Американың бас дипломатымен келіссөздері алдында Сауд Арабиясына келді, деп хабарлайды Ulysmedia.kz.
Sky News хабарлауынша, АҚШ мемлекеттік хатшысы Марко Рубио да Сауд Арабиясында, бірақ ол Украина президентімен кездеспейді. Зеленскийдің командасы 28 ақпанда Вашингтонға сәтсіз сапарынан кейін елдер арасындағы қарым-қатынасты жақсартуға тырысады.
БҰҒАН ДЕЙІН
Еске салайық, бұған дейін Зеленский америкалық шенеуніктер кездесудің Сауд Арабиясында өтетінін және дайындық жүріп жатқанын растаған болатын.
Сонымен қатар, Зеленский еуропалық серіктестерге көмек көрсеткені үшін алғыс білдірді және одақтастардың бірлігі қазіргі халықаралық жағдайда шешуші рөл атқаратынын атап өтті. Ол Украина Еуропаның, әсіресе әлемдік саясаттағы осындай қиын кезеңде көрсеткен ынтымақты жоғары бағалайтынын атап өтті.
ТРАМП НЕ ДЕП ЕДІ
Еске салайық, АҚШ президенті Дональд Трамп Конгресте мәлімдеме жасап, Зеленскийден маңызды хат келгенін айтқан еді. Трамп хатта Владимир Зеленскийден бейбіт келісім жасауға дайын екені туралы жазылғанын растаған болатын.
Оның сөзінше, Зеленский пайдалы қазбаларды өндіру туралы келісімге «кез келген уақытта» қол қоюға дайын.
