Астанада бірнеше көшеде жөндеу жұмыстарына байланысты көлік қозғалысы шектеледі, деп хабарлайды Ulysmedia.kz.
ТОЛЫҚ ЖАБЫЛҒАН КӨШЕЛЕР:
20 СӘУІР – 20 ТАМЫЗ: Қайсенов көшесі (Бұхар Жырау көшесінен Тәуелсіздік даңғылына дейін). Айналма жолдармен қозғалыс қамтамасыз етілген.
9 СӘУІР – 30 ТАМЫЗ: Күйші Дина көшесі (Мирас мектебінен Жұмабаев даңғылына дейін).
22 – 26 СӘУІР: Көктал көшесі (Тлендиев даңғылынан Оқжетпес көшесіне дейін). Қос бағытта бір жағымен жүруге болады.
19 СӘУІР – 10 МАМЫР: Гаухартас көшесі (Телқоныр көшесінен Тұран даңғылына дейін). Альтернативті көшелер арқылы қозғалыс қамтамасыз етілген.
ІШІНАРА ЖАБЫЛҒАН КӨШЕЛЕР:
21 – 28 СӘУІР: Сарыбұлақ көшесі (Тлендиев даңғылынан Мәскеу көшесіне дейін). Қос бағытта бір жағымен қозғалыс бар.
20 – 30 СӘУІР: Бөкей көшесі (Оқжетпес көшесінен тұйық көшеге дейін).
19 – 25 СӘУІР: Мәңгілік Ел даңғылы (Сарайшык / Мәңгілік Ел жолайырығынан Оңғарсынова көшесіне дейін). Мұнда жолдың үстіңгі қабаты жаңартылып жатыр. Бұл жұмыс мердігер ұйымдардың кепілдік міндеттемелері аясында жүзеге асуда.
БҰХАР ЖЫРАУ КӨШЕСІНІҢ ҚҰРЫЛЫСЫ ЖЫЛ СОҢЫНА ДЕЙІН АЯҚТАЛАДЫ
24 СӘУІР – 1 ҚЫРКҮЙЕК аралығында Бұхар Жырау көшесінің №37 көшеден бастап Тәуелсіздік даңғылына дейінгі бөлігінде кезең-кезеңімен қозғалыс шектеледі.
Жоба аясында жаяу жүргіншілер жолдары, көше шамдары, айнала абаттандыру және бағдаршамдар орнатылады. Құрылыс жыл соңына дейін аяқталмақ.
