×
448.15
483.46
4.86
#қаңтар қақтығысы #сайлау #Украинадағы соғыс #Палестина #жемқорлық #тағайындау
448.15
483.46
4.86

«Оңай шегінбеймін»: Ақын Ринат Зайытов Мәжіліс сайлауына түспек

01.02.2023, 16:07
Фото: Ашық дереккөзден

Бүгін ол құжаттарын тапсырды, деп хабарлайды Ulysmedia.kz.

Қазақстан Республикасының Парламенті мәжілісінің депутатын сайлау бойынша №3 бірмандаттық аумақтық сайлау округінің округтік сайлау комиссиясына бүгін мажоритарлық жүйемен ақын депутаттыққа кандидат ретінде өзін ұсынды.

“Мойындаймын. Оңай келген шешім емес. Ең әуелгі сұрақ қай аймақтан бақ сынайтыным болған. Алдымда екі таңдау болды. 1) Алматы қаласы 2) Абай облысы. Әрине бір қараған адамға туған жерім үш жұртымның ең көп өкілдері тұратын аймақ. Абай облысы тиімді болатын еді.

Бірақ, «Ауыл итінің аузы сасық» екенін, бір облысты толық аралауға, әр ауылдан сенімді өкіл, әр участоктен бақылаушы т.б. ескерсек оның барлық шығынын өтейтін менде мүмкіндік те, демеуші де жоқ. Оған қоса аймақтарда жергілікті биліктің ықпалы өте үлкен. Сондықтан Алматы.

Алматы - азаттықтың астанасы. Алматы-рухты қауымның мекені. Ол аз десеңіз, осыдан төрт жыл бұрын биліктің кісенінен жұлып алған да осы Алматыдағы ағайын. Демеушім жоқ демеймін. Тілектестерім бар. Қазақ бар! Жаратушыдан кейін сенерім солар. Тәуекел. Оңай шегінбейтінімді ескертудің қажеті жоқ шығар. Сонда да...”, – дейді ол.

Ринат Зайытов бәріне таныс. Ақынның айтыс сахнасында жүргеніне 20 жылдан асып кетті. Ол бұл күнде «Алатау» театрын басқарып отыр. Ринат Зайытов былтыр Ulysmedia.kz порталына сұхбат беріп, біршама ойын ашық айтқан еді. Ұлттық идеология туралы сөз қозғап, саясатқа араласу жайлы да пікірін былтыр ортаға салған болатын.

Серіктес жаңалықтары