Қазақстан Парламенті депутаттарын ұстауға 2023 жылы 6,5 млрд теңге бөлінді. Бұл туралы Қаржы министрі Ерұлан Жамаубаев мәлімдеді, деп хабарлайды Ulysmedia.kz.
"Парламенттің екі палатасының шығындары – ашық ақпарат. Депутаттарды ұстауға 2023 жылға 6,5 млрд теңге бөлінді", - деді Жамаубаев тілшілерге.
Оның айтуынша, аталған сомаға депутаттардың жалақысы, олардың ұшуы, іссапар және тәуліктік шығындары кіреді.
Айта кетейік, бұдан бұрын Ерұлан Жамаубаев Парламентке енетін партияларға бөлінген қаражат қалай үлестірілетінін айтқан.
