Оралда төтенше жағдай жарияланды

Коммуналдық қызметтер тәулік бойы жұмыс істегенімен, аққан судың көптігі сонша, оны сорып алуға де үлгермей жатқанын жазады «Мой город» басылымы. Қазірдің өзінде 17 ғимаратты су басқан, оның тоғызы мектептер мен спорт нысандары, қалғаны жеке үйлер.

Орал қалас әкімінің орынбасары Жандос Дүйсенғалиев жедел штаб қалада табиғи төтенше жағдай режимін енгізу туралы шешім қабылдағанын айтты.

«Су тасқынының басты себебі – топырақтың жоғары қатуы. Кеше, 12 наурызда Сарытаудың Свистун тауы жағынан, Саратов тас жолының арнасынан және құс фабрикасы ауданындағы арнадан еріген су пайда ақты. Су өткізгіштер мұндай ағынға төтеп бере алмады. Су топыраққа сіңбейді, өйткені оның қату тереңдігі бір метрден асып, үш оқпаннан өтіп, арнасы асып кетті», - дейді ол

Тұрғындардың қауіпсіздігі үшін кейбір үйлерде электр жарығын өшіруге тура келген. Мыңдаған адам жарықсыз қалған.

Сонымен қатар, ауыз судың қысымын төмендету туралы шешім қабылданды.

«Біз мұны не үшін істеп жатырмыз? Өйткені кәріздердің жағдайы мүшкіл. КНС-2, КНС-3, КНС-18-дегі ескі сорғылар үлкен көлемдегі суды көтере алмайды. Екі кәріздік сорғы стансасын жөндеуге тендер өткіздік, мердігерлер анықталды, олар көктемде жұмысқа кіріседі. КНС-18-ге жобалық-сметалық құжаттама дайындалуда, онда да келесі жылы жұмыс басталады. Қаланы сумен қамту және канализация мәселесі шешіледі», - деп сендірді Дүйсенғалиев.

Су тасқынының салдарымен күрес жүргізіліп жатыр.