×
449.58
486.94
4.86
#қаңтар қақтығысы #сайлау #Украинадағы соғыс #Палестина #жемқорлық #тағайындау
449.58
486.94
4.86

Қазақстанда 27 компания электр қуатының бағасын өсіреді

04.05.2023, 15:33
gov.kz

ҚР Энергетика министрлігі мамыр айында энергия өндіруші ұйымдардың электр энергиясын өндіруге арналған шекті тарифтерін қайта қарауды жоспарланып отырғанын мәлім етті, деп хабарлайды Ulysmedia.kz.

Жаңа тарифтер 2023 жылғы 1 маусымнан бастап қолданысқа  енгізіледі.

“Жалпы 47 энергия өндіруші ұйымның 27-сі шекті тарифтерді түзетуге өтінім берді. 20 энергия өндіруші ұйым үшін тариф бұрынғы деңгейде сақталатын болады. Өтінімдерді қарау кезінде ҚР Энергетика министрлігі әрбір жеке жағдайда жеке тәсілді қолданды. Энергия өндіруші ұйымдарды негізгі және қосалқы жабдықтарды, ғимараттар мен құрылыстарды ауқымды жөндеу жүргізе отырып, алдағы жылыту маусымына дайындаумен байланысты уақтылы шешуді талап ететін өтінімдер назарға алынды”, – делінген хабарламада.

Ведомство мәліметінше, қазіргі уақытта Қазақстанның энергия өндіруші ұйымдарының генерациялаушы қуаттарының тозуы шамамен 58%-ды құрайды, бұл ретте бірқатар ЖЭО-да тозу деңгейі 90%-ға дейін жақындайды. Бұл Степногор ЖЭО – 82%, Риддер ЖЭО – 75%, Орал ЖЭО – 86%.

“Жыл сайынғы тозудың өсуі – жөндеу жұмыстары ЖЭО сенімділігі мен апатсыздығын қамтамасыз ету үшін қажетті көлемде емес, тек тарифте көзделген көлемде ғана жүргізілетініне байланысты. Жалпы алғанда, шекті тариф жобасы алдағы күзгі-қысқы кезеңге дайындықты, материалдар мен жабдықтар құнының өсуін, сондай-ақ энергия өндіруші ұйымдарға тәуелсіз, оның ішінде отын мен оны тасымалдау құнының артуына байланысты шығындарды ұлғайтуды көздейді”, – деп түсіндірді министрлік.

Серіктес жаңалықтары