Bazis Construction компаниясы 2020 жылы тендерді жеңіп алып, "Қалқаман" станциясына дейін 42 миллиард теңгеге үңгіржол қазуға келіскен, деп хабарлайды Ulysmedia.kz.
Бұл туралы қоғам қайраткері Санжар Боқаев мәлімдеді. Ол өз мәлімдемесімен бірге осы фактіні растайтын құжатты да көрсетті.
"Үш жыл ішінде маршрут 500 метрге қысқарды, ал жұмыс құны 68 миллиардқа дейін көтерілді. Жұмыс азайғанымен, ақша көбейді. Мен бұл өмірде ештеңе түсінбеймін", – деп ашуланды журналист Михаил Козачков.
Bazis-A құрылыс компаниясының негізін қалаушы және директорлар кеңесінің төрағасы – 67 жастағы олигарх Александр Белович (Forbes Kazakhstan нұсқасы бойынша ең ықпалды 50 бизнесменнің тізімінде 11-орында). Оның компаниясының болжамды кірісі 2021 жылғы қарашадағы жағдай бойынша 7,1 млрд теңгені құрады.
Компанияның Қазақстандағы жобаларының қатарында: ҚР Қаржы министрлігінің ғимараты, Орта Азиядағы ең ірі "Нұрлы Тау" БО, Park Inn by Radisson Astana және Hilton Garden Inn Astana қонақ үйлері, Almaty Arena спорт кешені, EXPO 2017 көрме павильоны, Алматыдағы Globus және Promenade СОО, "Қорғас - Шығыс қақпасы" және т. б. бар. Сондай-ақ компания 68-ден астам тұрғын үй кешенін салды, ал Нұр-сұлтан (Астана) мен Алматыда жалпы коммерциялық жылжымайтын мүлік 77 000 шаршы метрді құрайды.
2021 жылы Белович бақылайтын "Bazis Construction" компаниясы 184 638 105 584 теңге сомасына (шамамен 428 632 000 доллар) мемлекеттік келісімшарттар жасасты. Компания Алматыда метро станцияларын, Шымкент пен Қызылордада жол-көлік айрықтарын, Түркістан қаласы әкімдігінің құрылыс бөлімі және ҚР ТЖМ "Қазселденқорғау" ММ үшін үшін объектілерді салады.
Forbes журналының бағалауы бойынша, 2020 жылдың қазан айында Александр Беловичтің отбасы 690 млн АҚШ доллары сомасындағы активтерге иелік етеді.
