Режеп Тайып Ердоған мен Владимир Путиннің кездесуі қарсаңында Түркия Украина, АҚШ және ЕО-мен астық мәмілесі бойынша байланыстарды жандандырды, деп хабарлайды Ulysmedia.kz ТАСС-қа сілтеме жасап.
"Түркия Украинамен, АҚШ-пен және ЕО-мен астық мәмілесіне қатысты көпжақты дипломатиялық жұмысты жандандырды. Жұмыс СІМ, қорғаныс министрлігі және сауда министрлігі желісі бойынша жүргізілуде. Ердоған мен Путиннің келіссөздері қарсаңында астық бастамасын іске асыру алдында тұрған проблемаларды жою бойынша жұмыстар жолға қойылды", - дейді агенттіктің дереккөзі
Milliyet газеті Путиннің Түркияға сапары "жақын күндері" өтетінін мәлімдеді. Ал Ahaber телеарнасы егер Ресей басшысы республикаға келмесе, Ердоған Ресей Федерациясына өзі баратынын атап өтті.
3 тамызда Ресей басшысының баспасөз хатшысы Дмитрий Песков Ресей мен Түркия президенттерінің кездесу орны мен нақты күні дипломатиялық арналар арқылы келісілетінін айтты. Бір күн бұрын Песков "кездесу орны келісілетінін, Түркияда бас қосу міндетті емес" екенін айтты.
